Рубен Аморим Еуропа лигасының финалындағы МЮ жеңілісін түсіндірді

«Манчестер Юнайтедтің» бапкері Рубен Аморим Еуропа лигасының финалындағы жеңілісіне қатысты пікір білдірді.

«Жанкүйерлеріміздің қайғысын бөлісемін — олар жақсырақ нәтижеге лайық. Біз қолымыздан келгеннің бәрін жасадық. Болашаққа келсек — қандай қадамдар жасайтынымызды көреміз»

Португалдық маман Чемпиондар лигасына өтпеу салдары мен трансферлік жоспарлар туралы:

«Трансфер нарығында екі түрлі әрекет жоспарымыз бар. Мұндай клуб үшін Чемпиондар лигасында ойнамау — қиын жағдай. Бірақ енді апта бойы жұмыс істеуге көбірек уақытымыз болады, Премьер-лигадағы нәтижелерді жақсартамыз»

Ойын жайлы Аморим былай деді:

«Мен әрдайым шындықты айтамын. Бүгін біз мінсіз ойнамадық, бірақ қарсыласымыздан жақсырақ болдық. Екінші таймда орталық қорғаушылардың позициясымен, айып алаңына доп көтерумен әртүрлі нұсқаларды қолдандық. Бүгін біздің күніміз емес еді — әлі де жетілдіретін тұстарымыз бар»