Роналду Әл-Насрмен келісімшартты ұзарту себебін түсіндірді

Криштиану Роналду «Әл-Насрмен» келісімшартты ұзарту себептерін ашты — футболшы 2026 жылғы әлем чемпионатына дайындалу үшін клубтық әлем чемпионатына қатысудан бас тартты.

«Маған клубтық әлем чемпионатында ойнау ұсыныстары болды, бірақ оның мәні болмады. Мен жақсы демалыс пен дайындықты таңдаймын, себебі келесі маусым өте ұзақ болады — ол әлем чемпионатымен аяқталады», — деді 40 жастағы шабуылшы Al Nassr TV-ге берген сұхбатында.

Ұлттық құрама үшін 221 ойында 138 гол соққан португалдық — АҚШ, Канада және Мексикада өтетін әлем біріншілігіне алтыншы рет қатысуды көздеп отыр. «Әл-Насрдың» құрамында шабуылшы 111 кездесуде 99 гол соғып, мансабындағы 1000 гол межесіне жақындап келеді — қазіргі уақытта оның еншісінде 938 гол бар.

Бес мәрте «Алтын доп» иегері 11 ірі турнирге қатысып, екі Ұлттар лигасының және 2016 жылғы Еуропа чемпионатының жеңімпазы атанды.