Роналду MrBeast ұйымдастырған футбол жарысында жанкүйерден бас тартты

39 жастағы Криштиану Роналду MrBeast ұйымдастырған шоуда жанкүйеріне жол беріп, миллион доллар ұтып алу мүмкіндігін жіберіп алды. “Әл-Наср” капитаны танымал ютубердің шарасында өзінің алғашқы жанкүйерлерінің бірі, Халид есімді жас жігітпен бәсекеге түсті.

Футбол алаңына “MrBeast” жазуы бар “Әл-Наср” формасында шыққан Роналду әзілдеп: “Мен бақытты футболкамды кидім” деді. Жарыстың мақсаты – қақпаға орнатылған үш нысанаға бірінші болып дәл соққы жасау. Миллион доллар жеңімпазға уәде етілді.

Жарыс алдында MrBeast Халидтен жеңіске деген мүмкіндігі туралы сұрағанда, ол: “Шыны керек, 50-ден 50-ге дейін” деп жауап берді. Бұған Роналду күліп: “Маған оның сенімділігі ұнайды” деді.

100 миллионнан астам көрермен тамашалаған жарыста күтпеген жағдай орын алды. Роналду бірде-бір нысанаға тигізе алмай, жеңіліп қалды. Ал Халид төрт әрекеттің екеуінде нысанаға дәл тигізіп, соңғы соққыға келгенде, Роналду оны жігерлендіріп: “Мен сенімен мақтанамын, досым” деп құшақтады.

MrBeast бұл сәтті әзілге айналдырып: “Роналду менің миллион доллар жоғалтқанымды қалайды” деп қалжыңдады. Ақыры, Халид жеңісті тойлап, арманы орындалды.

Бұл оқиға Роналдудың қарапайымдылығын, спорттық рухын және ең үздік ойыншылардың да кейде күтпеген нәтижелерге тап болатынын көрсетті.