Роналду қатарынан үшінші рет ең көп табыс табатын спортшылар тізімін бастады

Forbes мәліметінше, Криштиану Роналду қатарынан үшінші рет әлемдегі ең көп табыс табатын спортшылар рейтингінде көш бастады — оның табысы 275 миллион долларды құрады.

Португалдық шабуылшының сауд клубы «Әл-Насрға» ауысуы және әлеуметтік желілердегі жазылушылар саны — шамамен 939 миллион — оның жарнамалық келісімшарттардан түсетін табысын айтарлықтай арттыруға мүмкіндік берді.

«Голден Стэйт Уорриорз» командасының ойыншысы Стефен Карри 156 миллион доллар табыспен екінші орынға көтерілді. Британдық боксшы Тайсон Фьюри Александр Усикке жақында жеңілгеніне қарамастан, 146 миллион доллар табыспен үшінші орынға ие болды.

Ең көп табыс табатын спортшылардың үздік ондығы:

• Криштиану Роналду (футбол) — $275 млн
• Стефен Карри (баскетбол) — $156 млн
• Тайсон Фьюри (бокс) — $146 млн
• Дак Прескотт (американдық футбол) — $137 млн
• Лионель Месси (футбол) — $135 млн
• Леброн Джеймс (баскетбол) — $133,8 млн
• Хуан Сото (бейсбол) — $114 млн
• Карим Бензема (футбол) — $104 млн
• Шохей Отани (бейсбол) — $102,5 млн
• Кевин Дюрант (баскетбол) — $101,4 млн