Роналдо жанкүйерлердің наразылығынан кейін «Вальядолидтегі» үлесін сатты

Солтүстік америкалық инвестициялық топ «Вальядолидтің» бақылау пакетін Роналдо Назариодан сатып алды — деп хабарлайды Euro-football.ru.

Испан клубының жанкүйерлері бразилиялық экс-футболшының команданы басқаруына ұзақ уақыт наразылық білдірді — клуб Ла Лигадағы 37 ойында небәрі 16 ұпай жинап, жоғары дивизиондағы орнынан мерзімінен бұрын айырылды.

«Вальядолидтің» директорлар кеңесінің төрағасы және көпшілік акционері Роналдо еуропалық қордың қаржылық қолдауымен клубтың көпшілік акциялар пакетін солтүстік америкалық инвестициялық топқа беру туралы келісімге қол қойылғанын жариялайды» — делінген клубтың ресми мәлімдемесінде.

«Вальядолид» басшылығы мәміленің егжей-тегжейін жақын күндері жариялауды жоспарлап отыр — команда маусымның соңғы ойынын сырт алаңда «Леганеске» қарсы өткізеді.