Роман Старченко: «КХЛ-дан кету — дұрыс шешім емес»

«Головой об лёд» деректеріне сәйкес, «Барыс» капитаны Роман Старченко клубтың Континентальдық хоккей лигасынан (КХЛ) ықтимал шығуына қатысты пікір білдірді.

2024/25 маусымының сәтсіз аяқталуына байланысты (астаналық клуб тұрақты чемпионатта соңғы орын алды), жанкүйерлердің бір бөлігі қазақстандық ішкі чемпионатқа оралу идеясын көтерген еді.

«Мен жоқ деп ойлаймын. Бұл дұрыс емес. Елдің бүкіл хоккейін дамыту үшін КХЛ-да кем дегенде бір, ең жақсы жағдайда екі клуб болуы — міндетті», — деді Старченко.

Бұл маусым «Барыстың» КХЛ тарихындағы ең сәтсіз кезеңі ретінде тіркелді. Соған қарамастан, клуб капитаны халықаралық деңгейде өнер көрсетудің маңыздылығын атап өтті.