Роман Абрамович төрт жылдан кейін алғаш рет сұхбат берді — «Челсиді» сату туралы кітапта жарық көреді

Biteback Publishing хабарлауынша, Роман Абрамович соңғы төрт жылда алғаш рет толыққанды сұхбат берді. Бұл сұхбат «Челсиді» сату туралы жазылған жаңа кітапқа енгізілген.

«Sanctioned: The Inside Story of the Sale of Chelsea FC» деп аталатын кітапты британ журналисі Ник Пурвал жазған. Онда лондондық клубтың 95 күндік сатылу процесі — Абрамовичке қарсы санкциялар енгізілген сәттен бастап, мәміленің Ұлыбритания үкіметінің бақылауымен аяқталғанына дейінгі оқиғалар баяндалады.

Сұхбатта Абрамович санкцияларға, клубтың болашағына және «Челсиді» 2,5 миллиард фунт стерлингке америкалық Тодд Боэли мен Clearlake Capital консорциумына сатуға қалай келісім бергені туралы егжей-тегжейлі айтқан.

Кітапта оның клубты алғаш рет сатып алуы мен әртүрлі бейбіт келіссөздерге қатысуы туралы да мәліметтер келтірілген.

Айта кетейік, «Челсиді» сатудан түскен қаражат әлі де мұздатылған шотта тұр, ал клуб жаңа америкалық басшылықпен Чемпиондар лигасына қайта оралу үшін күресіп жатыр.

Біздің парақшамыздан футбол матчтарының барлық нәтижелерін Live форматта бірінші болып біліңіз!