«Рома» vs «Порту»: Еуропа Лигасының 1/8 финалына кім өтеді? Сарапшы пікірі

20 ақпанда «Стадио Олимпико» стадионында тартысты матч өтпек – «Рома» Еуропа лигасының 1/16 финалындағы жауапты ойында «Портумен» кездеседі. Қос команда арасындағы алғашқы кездесу 1:1 есебімен тең аяқталған болатын.

Спорт журналисті және комментатор Димаш Төлегенов Sport Pulse тілшісіне бүгінгі ойында жеңіске жету мүмкіндігі жоғары клубты атады:

«Бұл – турнирдің осы кезеңіндегі ең қызықты жұптардың бірі. Алғашқы матчта Португалияда 1:1 есебі тіркеліп, енді келесі кезеңге өтетін команда Римде анықталады. Екі клуб та ұлттық біріншіліктерінде қиындықтарды бастан өткеріп жатыр: «Рома» әлі де Еурокубок аймағынан тыс, ал «Порту» басты бәсекелестерінен қалып, үшінші орында тұр. Осы тұрғыдан алғанда, екі команда да келесі кезеңге өтуге лайық. Алайда, «Портудың» 2024 жылғы тұрақсыз ойыны мен «Романың» өз алаңындағы жақсы статистикасын ескерсек, римдіктер фаворит болып көрінеді. Олар тамыз айынан бері өз алаңында жеңілген жоқ, тек үздік клубтардан ұтылды. Сондықтан, «Порту» бар болғаны тең нәтиже үшін күресе алады деп ойлаймын, ал егер матч қосымша уақытқа немесе пенальти сериясына жетсе, бәрі футболшылардың сол сәттегі ойынына байланысты болмақ».

Матч алдындағы фактілер:

• «Рома» өз алаңында қатарынан 8 матч жеңілмей келеді (7 жеңіс, 1 тең ойын).
• Соңғы 7 ойында римдіктер қарсылас қақпаға доп соққан.
• «Порту» соңғы 6 матчта жеңілістің ащы дәмін татпады (2 жеңіс, 4 тең ойын).
• Соңғы 3 кездесуде «Рома» «Порту» қақпасына гол соққан.

Артем Довбик, «Порту» – «Рома» / Сурет: Associated Press