Рома аңызы Франческо Тоттидің 19 жастағы ұлы футболшы мансабын аяқтады

La Nuova Sardegna мәліметінше, аңызға айналған футболшы Франческо Тоттидің ұлы – Кристиан Тотти 19 жасында мансабын аяқтау туралы шешім қабылдады.

Жас жартылай қорғаушының соңғы клубы Италия футболының төртінші дивизионы – Серия D-да өнер көрсететін «Ольбия» командасы болды.

«Пупоненің ұлы мәртебесі оған қатты қысым көрсетті. Мен оның үлкен әлеуетін көрдім – ол Серия С немесе Серия В-де жақсы мансап жасай алар еді», – деді «Ольбияның» бұрынғы бапкері Марко Амелия.

«Рома» академиясының тәрбиеленушісі сондай-ақ «Фрозиноне» мен «Райо Вальекано» жастар құрамында ойнаған. Енді Кристиан әкесі құрған футбол мектебінде жұмыс істеп, жас таланттарды іздеумен айналысуды жоспарлап отыр.