Рик Карлайл Индиананың бастапқы қорғаушысын анықтады

«Индиана Пэйсерс» бас бапкері Рик Карлайл командадағы Беннедикт Матуриннің рөлін анықтады — жас қорғаушы бастапқы бестіктің ойыншысы болады, деп хабарлайды X (бұрынғы Twitter).

«Бен Матурин – туа біткен скорер. Мен оның осы маусымда екінші нөмір позициясында бастапқы бестікте ойнайтынын жоспарлап отырмын», – деді Карлайл.

Команда жаттықтырушысы сондай-ақ ойыншымен жақында болған әңгімесі туралы айтты: «Мен Бенге айттым — ол маусымның бірінші ойынынан бастап негізгі құрамда болады. Бәрі өзіне байланысты, бірақ біз одан дәл осыны күтеміз».