«Рейнджерс» бас бапкерін өзгертпек

«Рейнджерстің» уақытша бапкері Барри Фергюсон клуб иелерінің ауысуына байланысты өз болашағының жақын күндері шешілетінін күтуде.

Клуб акцияларының 51%-ын Эндрю Кавенаг пен 49ers Enterprises Global Football Group консорциумы сатып алмақ. Бұл аралықта «Реал Мадридтің» 35 жастағы көмекшісі Давиде Анчелотти бас бапкерлікке басты үміткер ретінде қарастырылып жатыр.

«Қауесет әрдайым болады. Менің жағдайым — құпия. Бірақ жақын күндері қозғалыс болады деп ойлаймын», — деді Фергюсон.

Филипп Клемент қызметінен кеткеннен кейін тізгінді қолына алған Фергюсон 13 матчта 5 жеңіс, 4 тең ойын көрсетті.

«Жұмысқа кіріскен сәтте-ақ жағдайды өзгерте алатынымды білдім. Бәрі мінсіз болмады, бірақ жақсы нәтиже көрсеттік. Егер маған қажетті қолдау көрсетілсе — табысқа жете аламын», — деді ол.