Ресейлік клубтың қақпашысы Магомед Адиевтің талаптары туралы айтып берді

«Химки» қақпашысы Никита Кокарев команданың бас бапкері міндетін атқарып жүрген Магомед Адиевке үйреніп қалғанын және оның талаптары туралы айтып берді, деп хабарлайды Prosports.kz.

— Әрбір бапкерге бейімделуге сәл уақыт қажет. Қазіргі сәтте команда жаңа бас бапкерге бейімделіп үлгерді. Оның талаптары түсінікті. Команда қандай футбол ойнау керектігін жақсы біледі, ешкімде қиындық туындап жатқан жоқ.

Көбінесе біз қарсыластың ойынына қарап бейімделеміз, бірақ ойынның басым бөлігінде қысқа және орта пастар арқылы алға шығуға тырысамыз. Кейде бұл іске аспай қалғанда, [Антон] Заболотныйды қолданамыз. Бұл талап маған «Краснодар‑2» кезінен таныс, сондықтан мен үшін бұл — үйреншікті нәрсе. Қорғаушылар да, жартылай қорғаушылар да бейімделіп жатыр, егер мүмкіндік болса, біз қысқа пастар арқылы ойнаймыз. Еш қиындық болған жоқ, — деді Кокарев Матч Премьер арнасына.

Айта кетейік, Магомед Адиев 16 сәуірде «қызыл‑қаралардың» бас бапкері міндетін атқарушы болып тағайындалған.