Ресейлік файтер Икрам Алискеров Чун Ён Пакты ұпай санымен ұтты

Орта салмақта өнер көрсететін ресейлік UFC жауынгері Икрам Алискеров Абу-Дабиде (БАӘ) өткен UFC 321 турнирінде оңтүстіккореялық Чун Ён Пакты ұпай санымен жеңді, деп хабарлайды Prosports.kz.

32 жастағы Алискеров аралас жекпе-жекте 2012 жылдың сәуірінде дебют жасаған. Әлемдегі ең беделді ұйым – UFC-де ол 2023 жылдан бері өнер көрсетіп келеді. Қазіргі рекорды: 16 жеңіс (оның 12-сі мерзімінен бұрын) және 2 жеңіліс.

34 жастағы Чун Ён Пак кәсіби мансабын 2013 жылдың желтоқсанында бастаған. UFC-ге 2019 жылы қосылған спортшы «Темір тасбақа» лақап атымен танымал. Оның есебінде 19 жеңіс (11-і мерзімінен бұрын) және 6 жеңіліс бар.