Рео-Кокер мен Моррисон: «Вест Хэм» қайта құруды басынан бастайды

АПЛ-дің бұрынғы ойыншылары Найджел Рео-Кокер мен Клинтон Моррисон «Вест Хэмнің» қазіргі жағдайын сынап, команда трансформациясының қиын екенін атап өтті.

«Тоттенхэммен» тең ойыннан кейін Рео-Кокер BBC Radio 5 Live подкастында пікір білдіріп, Грэм Поттерге оңай болмайтынын айтты:

«Бұл жағдай оны алда не күтіп тұрғанын көрсетіп тұр. Ол келесі маусымда қалады, бірақ қазір футболда трансфер жасау мен команданы қайта құру — үлкен мәселе».

Клинтон Моррисон өткен жазғы трансферлік науқанды тиімсіз деп бағалап, клубтың қазіргі құрамында «тартымды футбол ойнай алатын» ойыншылардың жоқ екенін айтты:

«Жаңа ойыншылардың ішінен біреуі шын мәнінде сәтті болды ма? Команда жансыз ойнауда. Трансферлерге көп қаржы жұмсалды, бірақ нәтиже жоқ».

Мамандардың пікірінше, «Вест Хэм» бәрін қайтадан бастауы мүмкін — команда еурокубоктар аймағынан алыс қалып қойды.