«Реалдың» жұлдызы Беллингем төрешіні балағаттағаны үшін екі ойынға жазаланды

Испания футбол федерациясының мәліметінше, Мадрид «Реалының» жартылай қорғаушысы Джуд Беллингем Испания чемпионатында екі ойынға жазаланды.

21 жастағы ағылшын ойыншы «Осасунаға»  қарсы матчта (17-ші ақпанда өткен) бас төреші Хосе Луис Монтероға дөрекі сөздер айтқаны үшін 39-шы минутта алаңнан қуылды.

RFEF тәртіптік комитеті футболшының әрекетін «төрешілер алқасына құрметсіздік пен менсінбеушілік көрсету» деп сипаттады. Нәтижесінде Беллингем келесі матчтарды өткізіп алады:

• «Жиронаға» қарсы
• «Реал Бетиске» қарсы

Футболшының өзі төрешінің оның сөздерін дұрыс түсінбегенін айтты — «Оны балағаттау ниетім болған жоқ». «Реал Мадрид» бұл шешімге шағымданатынын хабарлады.