Реалдың жаңа бапкері Хаби Алонсо ойыншыларға қатаң талап қойды

Cadena Ser мәліметі бойынша, Мадрид «Реалының» жаңа бапкері Хаби Алонсо өз шәкірттеріне қатаң талап қойды — толық күш жұмсамайтын ойыншылар құрамнан тыс қалады.

Бапкер өз талаптары барлық футболшыларға қатысты екенін атап өтті — тіпті қақпашы Тибо Куртуа да ойынға максималды араласуы керек.

«Қақпаға соғу сәтін күтіп тұру жеткіліксіз. Әркім әр доп үшін күресуі керек», — деді Алонсо.

Ертең Алонсоның шәкірттері әлемдік клубтар чемпионатында «Әл-Хиляльмен» кездесуде бапкердің талаптарына деген көзқарастарын көрсете алады.