«Реалдың» экс-жұлдызы Месут Өзіл Түркияда саясатпен айналыса бастады

Ua-football.com мәліметінше, мадридтік «Реал» мен лондондық «Арсеналдың» бұрынғы футболшысы Месут Өзіл өмірінің жаңа кезеңін бастады. Ол Түркияда саяси қызметпен айналысуға шешім қабылдады.

Шамамен екі жыл бұрын мансабын аяқтаған экс-жартылай қорғаушы Әділет және даму партиясының АКР Орталық шешім қабылдау комитетінің құрамына енді.

Анкарада өткен партия съезінде екі маңызды оқиға орын алды. Режеп Тайып Ердоған партия көшбасшысы ретінде қайта сайланды, ал Өзіл басшылықтың жаңа мүшелері тізіміне енгізілді.

Футболшының түрік саясатымен байланысы бұрыннан белгілі. Президент Ердоған Өзілдің үйлену тойында куәгер болған. Бұл өз кезегінде спортшыға қатысты көптеген сын-пікірдің туындауына себеп болды.