Реал жартылай қорғаушысы алаңдағы уақыт бойынша әлемдік рекорд орнатты

Sport24.ru мәліметінше, мадридтік «Реалдың» жартылай қорғаушысы Федерико Вальверде бір маусымда футбол алаңында өткізген уақыты бойынша әлемдік рекорд орнатты.

Уругвайлық футболшы клуб пен ұлттық құрама сапында 72 матчта 6116 минут өткізді — бұл тарихта алғаш рет ойыншының маусым бойы 6000 минуттан асқан кезі.

Ойын уақыты бойынша үздік үштікке «Манчестер Юнайтедтің» жартылай қорғаушысы Бруну Фернандеш 5796 минут көрсеткішімен және «Миланның» қақпашысы Майк Меньян 5624 минут ойнап кірді.