«Реал» «Осасунаның» 33 жастағы хорват шабуылшысына қызығушылық танытты

As басылымының мәліметінше, Мадридтің «Реалы» «Осасунаның» шабуылшысы әрі өткен маусымда Ла Лиганың үздік үш сұрмергенінің бірі болған Анте Будимирді қатарына қосуды жоспарлап отыр.

Хорват шабуылшы «ақ патшалар» мен түрік «Бешикташының» назарын өзінің тиімділігімен аударды — өткен маусымда ол 38 ойында 21 гол соқты. Одан жақсы көрсеткішке тек «Реалдың» Килиан Мбаппесі 31 голмен және «Барселонаның» Роберт Левандовскиі 27 голмен жетті.

33 жастағы шабуылшының «Осасунамен» келісімшарты 2027 жылға дейін жалғасады, ал трансфер құны биылғы жазда 20 миллионнан 8 миллион еуроға дейін төмендейді. Мадридтіктердің жаңа бас бапкері Хаби Алонсо Хоселуге ұқсас шабуылшы іздеуде — Будимир дәл осындай ойыншы бола алады.