«Реал» Нико Пасты кері қайтаруға мүдделі

As басылымының мәліметінше, мадридтік «Реал» қазіргі таңда «Комо» сапында өнер көрсетіп жүрген Нико Пасты клубқа қайта алуды қарастырып жатыр. 20 жастағы жартылай қорғаушы өткен жазда 6 миллион еуроға италиялық клубқа ауысқан болатын.

Серия А-ның биылғы маусымында Паст 33 матчта 6 гол және 8 нәтижелі пас тіркеп, әсерлі нәтиже көрсетуде. «Реал» оның даму қарқынын жоғары бағалап отыр және 8 миллион еуроға кері сатып алу құқығын іске қоса алады.

Алайда қазіргі уақытта мадридтік клубтың басым бағыты — қорғаныс шебін күшейту, атап айтқанда шеткі және орталық қорғаушыларды қосу.

«Реал» Нико Пасты әмбебап жартылай қорғаушы ретінде қарастырады — ол «оншы» позициясында да, орталық жартылай алаңда да ойнай алады.