Реал мен Әл-Хиляль әлемдік клубтық чемпионаттың түнгі матчында кездеседі

18 маусымнан 19 маусымға қараған түні Майами-Гарденсте әлемдік клубтық футбол чемпионатының топтық кезең матчы өтеді — мадридтік «Реал» Сауд Арабиясының «Әл-Хиляль» командасымен кездеседі.

Ойынның трансляциясы Астана уақытымен 00:00-де Qazsport телеарнасында басталады — букмекерлер испандық клубты айқын фаворит санайды.

«Реал» үшін бұл жаңа бас бапкер Хаби Алонсоның жетекшілігімен өтетін алғашқы матч — команда бір ай бұрын «Реал Сосьедадты» жеңгеннен бері алаңға шыққан жоқ. Сауд клубы да соңғы ойынын мамыр айының соңында өткізіп, «Әл-Кадисияны» жеңген болатын.

Әлемдік клубтық чемпионаттың осы тобында екі команда да австриялық «Зальцбургпен» және мексикалық «Пачукамен» кездесуі тиіс.