«Реал Мадрид» сапына 17 жастағы жартылай қорғаушы қосылатын болды

TyC Sports-тың хабарлауынша, аргентиналық талант Франко Мастантуононың «Реал Мадридке» ауысуы ресми түрде аяқталды, деп хабарлайды Sport12.kz.

Мадридтік клуб пен «Ривер Плейт» арасындағы келісім толығымен жасалған.

17 жастағы жартылай қорғаушы — Аргентина футболының болашағы деп бағаланған дарын. Оның ойынын Еуропаның бірқатар алпауыт клубтары бақылап жүрген болатын. Бірақ соңында жеңіске жеткен тарап — «Реал Мадрид».

Қазіргі таңда бір ғана мәселе шешімін таппаған:

Мастантуоно Испанияға Клубтық Әлем чемпионатына дейін келе ме, әлде одан кейін қосыла ма — бұл жақын күндері белгілі болады.

Осы трансфер арқылы «Реал» тағы бір жас жұлдызды өз қатарына қосып, болашаққа бағытталған стратегиясын жалғастырып отыр.