«Реал Мадрид» – «Пачука»: Клубтар арасындағы әлем чемпионатына (23.06.2025) болжам

2025 жылдың 23 маусымында, Астана уақытымен 00:00-де, Солтүстік Каролина штатындағы Шарлотт қаласындағы «Банк оф Америка» стадионында Клубтар арасындағы әлем чемпионатының екінші туры аясында «Реал Мадрид» пен «Пачука» командалары кездеседі. Букмекерлер бұл кездесудің фавориті ретінде Испания өкілдерін санап отыр. Енді командалардың қазіргі жағдайына көз жүгіртіп, болжам ұсынайық.

«Реал Мадрид»

Хаби Алонсо үшін «Реалдың» бас бапкері ретіндегі алғашқы ресми ойыны күткендегідей бола қойған жоқ. Команда «Аль-Хиляльге» қарсы ойнады. Бұл турнирге немқұрайлы қарады ма, әлде қарсыласты бағаламады ма — белгісіз. Бірақ бірінші таймда мадридтіктер бәсекелесіне жол беріп жатты. Үзіліске дейін есеп 1:1 болды. Екінші таймда «Реал» ойын тізгінін қолға алғанымен, жеңіске жете алмады. «Аль-Хиляльдің» қақпашысы Яссин Буну матч соңындағы пенальтиді қайтарып, командасын жеңілістен сақтап қалды.

Бірінші матчта ұпай жоғалтқан «Реал» енді үш ұпай үшін барын салуы керек. Себебі Алонсоға артылған үміт зор, ал алғашқы жеңісті әлсіздеу қарсыластармен матчта да ала алмау – жақсы бастама емес.

«Пачука»

Мексикалық команда бұл турнирге Солтүстік Американың үздік клубы ретінде келді. Олар КОНКАКАФ чемпиондар кубогын жеңіп алды – финалда «Коламбус Крюді» 3:0 есебімен жеңген. Бұл – олардың аталмыш турнирдегі алтыншы жеңісі. Дегенмен, соңғы уақытта команданың ойыны шабан, жалпы соңғы 7 матчтың тек біреуінде ғана жеңіске жеткен.

Турнирдегі алғашқы матчта олар Еуропа өкілі «Зальцбургке» қарсы ойнады. Қағаз жүзінде – бұл жарыстағы ең әлсіз еуропалық клуб. Ойын тартысты өтті, кей сәттерде мексикалықтар басым көрінді. Алайда, мүмкіндіктерді іске асыра алмады. Ал австриялықтар өз сәттерін тиімді пайдаланып, 2:1 есебімен жеңіске жетті. Енді олар Еуропаның ең мықты командаларының бірімен кездеседі. Қазіргі формасына қарап, «Пачука» үшін оң нәтиже көрсету қиын болатыны анық.

Статистика және жеке кездесулер

Командалар 2024 жылдың 18 желтоқсанында, Интерконтиненталдық кубогының финалында кездескен. Ол матчта мадридтіктер еш қиындықсыз 3:0 есебімен жеңіске жетті.

Болжам

Бұл кездесуде болжамды «Реалдың» жеңісіне береміз. Алонсо шәкірттері алдыңғы сенімсіз ойынды ұмытып, бұл жолы сенімді ойын көрсетеді деп ойлаймыз. Екі команданың шеберлік деңгейіндегі айырмашылық та өз сөзін айтуы тиіс. Сондықтан «Реал Мадридтің» –1,5 форасымен жеңісіне бәс тігуді ұсынамыз. Коэффициент – 1.78.