Реал Мадрид Германия құрамасының шабуылшысы Вольтемадеге қызығушылық танытты

Marca мәлімдеуінше, мадридтік «Реал» U21 және U19 Еуропа чемпионаттарында өнер көрсетіп жүрген төрт жас футболшыға қызығушылық танытуда.

Корольдік клубтың басты нысанасы — «Штутгарт» шабуылшысы Ник Вольтемаде — Бундеслигадағы 28 ойында 12 гол соққан команданың екінші үздік сұрмергені. Қазіргі жастар Еуросында 23 жастағы шабуылшы төрт кездесуде алты гол соғып, үш нәтижелі пас берді.

«Реалдың» қызығушылық тізіміне енгендер:

• «Валенсия» қорғаушысы Кристиан Москера
• АЗ жартылай қорғаушысы Кес Смит
• «РБ Лейпциг» қорғаушысы Кастелло Лукеба

Bild мәліметінше, «Штутгарт» Вольтемадені 60 миллион еуроға бағалап отыр, ал футболшыға мюнхендік «Бавария» да қызығушылық танытуда.