«Реал Мадрид» басшылығы Анчелоттидің мінез-құлқына наразы болған — Relevo

Relevo дерегінше, «Реал Мадрид» басшылығы Карло Анчелоттидің маусым соңындағы әрекетіне көңілі толмаған. Итальяндық маман команданы маусымның шешуші кезеңінде елеусіз қалдырды деп есептелуде.

Наурыз айының соңынан бастап Анчелотти Бразилия футбол конфедерациясымен белсенді келіссөздер жүргізіп, бұл фактор «Реалдың» маңызды ойындарына дайындығына кері әсерін тигізген.

Ойыншылардың көңілін түсірген негізгі жайт — Чемпиондар лигасының ширек финалындағы «Арсеналға» қарсы матчтарға дайындықтың үстірт жүргізілуі. Футболшыларға егжей-тегжейлі тактикалық жоспар берілмей, тек жалпы нұсқаулармен шектелген. Нәтижесінде команда турнирден шығып қалды.

Бүгін Карло Анчелотти ресми түрде Бразилия құрамасының бас бапкері болып жарияланды. Ол «Реалда» алты жыл ішінде 15 трофей жеңіп алып, клуб тарихындағы ең табысты бапкер атанды.