«Реал» Эндрикті арендаға жібермейді — жас шабуылшы клубта қалады

Relevo дерегінше, мадридтік «Реал» Эндрикті өз құрамында қалдыруға шешім қабылдады. Клуб 18 жастағы бразилиялық шабуылшыны тіпті уақытша арендаға жіберу нұсқасын да қарастырмай отыр.

Еуропаның бірнеше клубы Эндрикке тұрақты ойын тәжірибесін ұсынуға дайын болғанымен, «Реал» басшылығы оны болашақ көшбасшы ретінде көріп отыр. Жас футболшының өзі де 2026 жылғы әлем чемпионатына Бразилия құрамасының сапында баруды мақсат етіп қойған, алайда Мадридтегі тәжірибелі ойыншылармен бәсекелестік оны алаңдатуда.

Соған қарамастан, клуб оған толық сенім артып отыр. Биылғы маусымда Эндрик барлық турнирлерде 34 матч өткізіп, 7 гол соқты. Ол алдағы маусымда «Реал» сапында негізгі рөлдердің бірін атқаруы мүмкін.