«Реал» «Борнмуттың» 58 млн еуролық қорғаушысына көз тікті

Фабрицио Романоның мәліметінше, мадридтік «Реал» «Борнмут» қорғаушысы Дин Хейсен мен оның өкілдеріне ресми келісімшарт ұсынысын жіберді.

Испандық қорғаушының келісімшартында 58 миллион еуролық клаусула бар — «Борнмут» өз ойыншысы үшін дәл осы соманы алуды көздеп отыр.

«Реалмен» келіссөздер қиындаған жағдайда футболшыға үш ағылшын алпауыты — «Челси», «Арсенал» және «Ливерпуль» үміткер. Алайда Хейсеннің өзі тек мадридтік клубқа ауысуға бел буған және басқа командалардың ұсыныстарынан бас тартуға дайын.