«Реал» Алматыда «Қайратты» Чемпиондар лигасы матчында ойсырата жеңді

Алматылық «Қайрат» Чемпиондар лигасының топтық кезеңінде мадридтік «Реалдан» жеңілді — италиялық төреші Марко Гуида басқарған «Орталық» стадионындағы ойын 0:5 есебімен аяқталды.

Командалардың бастапқы құрамы: «Қайрат» — Шерхан Қалмырза, Тапалов, Мартынович, Сорокин, Луиш Мата, Мрынский, Қасабұлат, Арад, Громыко, Жоржиньо, Сатпаев; «Реал» — Куртуа, Асенсио, Хёйсен, Алаба, Гарсия, Чуамени, Себальос, Гюлер, Мастантуоно, Винисиус, Мбаппе.

Килиан Мбаппе 25-ші минутта Қалмырзаның Мастантуоноға қарсы бұзушылығынан кейін пенальтиден есеп ашты — екінші таймда француз шабуылшысы 52-ші және 74-ші минуттарда хет-трик жасады. Соңғы нәтижені Эдуардо Камавинга мен Браим Диас 83-ші және 90+3-ші минуттарда белгіледі.

Турнирдегі келесі ойынды алматылық клуб үш аптадан кейін өткізеді — 21 қазанда «Қайрат» кипрлік «Пафосты» қабылдайды.