Реал Александер-Арнольдтың ерте трансферімен ұтылған жоқ

Dazn мәліметінше, Мадрид Реалы Трент Александер-Арнольдтың Ливерпульмен келісімшартының аяқталуын күтпей, 26 жастағы қорғаушының мерзімінен бұрын ауысуы үшін 8,4 миллион фунт төледі.

Алғашқы айда-ақ ағылшын ойыншы салымды ақтады — оның Ювентуспен матчта Гонсало Гарсияға берген пасы командаға Клубтық әлем чемпионатының ширек финалына шығуға көмектесіп, клубға қосымша 10 миллион фунт жүлде әкелді.

«Жаттығуларда оған қарсы ойнау мүмкін емес. Оның бұрыштамадан берген пастары — керемет нәрсе. Мен мұндай пас беру сапасы бар ойыншыларды көрген емеспін», — деді қақпашы Тибо Куртуа.

Хаби Алонсоның жетекшілігімен Александер-Арнольд 5-3-2 схемасында вингбектің жаңа позициясын игеріп, әр матчта сенімділік жинауда. Келесі кезеңде Реал Боруссия Дортмунд — Монтеррей жұбының жеңімпазымен кездеседі.

21 жастағы шабуылшы Гонсало Гарсия — «ақ түстілер» үшін турнирдің басты жаңалығы. Клуб тәрбиеленушісі төрт матчта үш гол соғып, команданың үздік сұрмергені атанды.