Ram 2027 жылы NASCAR Cup Series-ке оралуды жоспарлап отыр

Ram бас директоры Тим Кунискис — Stellantis құрамындағы Dodge-тың бұрынғы басшысы — Кевин Харвикпен «Happy Hour» подкастында компанияның өршіл жоспарларымен бөлісті.

«Truck Series-ке шығу Cup Series-ке қарағанда әлдеқайда оңай. Cup үшін бізге көбірек уақыт қажет — біз Truck-тан кейін бір жылдан соң кіруді жоспарлап отырмыз. Көпшілік бұл мүмкін емес дейді, бірақ бізде әзірлеу процесін жеделдете алатын белгілі бір тәжірибе бар», — деді Кунискис.

NASCAR сарапшылары Cup Series-ке дайындалуға кемінде екі жыл жоспарлауды ұсынғанына қарамастан, Ram бұл процесті жеделдетуге ниетті — компания 2026 жылы Truck Series-те, ал 2027 жылы Cup Series-те дебют жасауды көздеп отыр.

Соңғы 13 жыл ішінде өндірушінің NASCAR-ға оралуға бірнеше мүмкіндігі болды, бірақ жоспарлар іске аспады. Еске сала кетейік, Dodge Cup Series-тен 2012 жылғы маусымнан кейін кетті — сол кезде сериядаа тек Chevrolet, Ford және Toyota ғана қалған болатын.