Рахмоновтың менеджері UFC-дегі титулдық жекпе-жектен бас тарту себебін ашты

UFC-дегі қазақстандық жауынгер Шавкат Рахмоновтың менеджері Саят Абдрахманов спортшының қазіргі жағдайы туралы мәліметтерді жариялады, деп хабарлайды MMA.Metaratings.ru.

«Шавкатта денсаулық мәселелері болды. Мамыр айында бізге Белал Мұхаммадпен чемпиондық белбеу үшін жекпе-жек ұсынылды. Өкінішке орай, жарақатына байланысты Рахмонов бұл жекпе-жектен бас тартуға мәжбүр болды. Ол әлі қалпына келуде, бірақ қазір толыққанды жаттығуларға кірісті және қаңтар айының соңы — ақпан айының басында жекпе-жекке дайын болады», — деді Абдрахманов.

Рахмоновтың соңғы жекпе-жегі өткен жылдың желтоқсанында UFC 310 турнирінде өтті — ол Иэн Мачадо Гэрриді төрешілердің бірауызды шешімімен жеңді. Қазақстандық спортшының еншісінде 19 жеңіс бар, жеңілісі жоқ.