Рафаэль Уразбахтин «Реалға» қарсы ойын алдындағы пікірін білдірді

«Шын мәнінде біз «Реалдың» барлық ойынын емес, соңғы бес кездесуін ғана сараптадық. Клубтар арасындағы әлем чемпионатындағы ПСЖ-мен өткен матчқа да назар аудардық. Футболда жеңіліс – заңды құбылыс, онсыз болмайды. «Реал» – тұрақтылыққа негізделген команда. Олар сол ойында тактикалық жүйені өзгертті, бәлкім, соның әсерінен қиындықтар туындаған шығар. Сондай-ақ әдетте қосалқы құрамнан шығатын бірнеше ойыншы негізгі құрамда алаңға шықты. Баға беруден аулақпын. Дегенмен біз көбірек олардың жеңіске жеткен матчтарын талдадық. Ертең бәрін көретін боламыз», – деді Уразбахтин.

Кездесу 30 қыркүйекте сағат 21:45–те Алматыдағы Орталық стадионда басталып, «Qazaqstan» және «Qazsport» арналарынан тікелей эфирде көрсетіледі.