Raddan: The International 2025 алдында толыққанды Battle Pass шықса екен

«Team Spirit» командасының ойыншысы Илья «Raddan» Мулярчук Valve компаниясына өз тілегін жеткізді. Ол биыл The International 2025 турнирі алдында толыққанды Battle Pass (компендиум) шығарылса екен дейді.

Ол өз жазбасында:

«Биыл Battle Pass болады деп үміттенемін. Ішінде қандай да бір қызықты контент, катакомбалар, бұрынғыдай қырлы стакан секілді заттар болса жақсы болар еді», – деп жазды.

Valve бұған дейін The International турнирінің форматы өзгергенін хабарлады. Енді топтық кезең болмайды. Оның орнына швейцариялық жүйе енгізіледі: әр команда жеті матч ойнап, плей-офф кезеңіне өту үшін төртеуінде жеңіске жетуі керек.

The International 2025 турнирі 4–14 қыркүйек аралығында Гамбург қаласында өтеді. Бұл – Германияда Dota 2 бойынша өтетін алғашқы әлем чемпионаты болмақ.