ҚПЛ клубтарының еурокубоктардағы жеребесін қазақстандық сарапшы бағалады

Белгілі қазақстандық футбол маманы Асқар Қожабергенов отандық клубтардың еурокубоктардағы жеребе нәтижелері туралы пікірімен бөлісті.

Жеребе қорытындысы бойынша алматылық «Қайрат» Чемпиондар Лигасында словениялық «Олимпиямен», «Ақтөбе» Еуропа Лигасында поляктың «Легиясымен», ал шымкенттік «Ордабасы» Конференциялар Лигасында грузиялық «Торпедомен» күш сынасады.

«Ойлаймын, ‘Олимпия’ — өтуге болатын қарсылас. Бірақ балқан футбол мектебінің Еуропада дәстүрлі түрде жоғары бағаланатынын ұмытпау керек», — деді Қожабергенов.

«Барлық қазақстандық командалардың ішінде ‘Ақтөбеге’ ең күшті қарсылас кездесті. ‘Легия’ — поляк футболының көшбасшысы және ең титулды клубы», — деп атап өтті маман.

«Ордабасының» мүмкіндіктері туралы айта келе, сарапшы грузиялық «Торпедоның» мықты қарсылас екенін, бірақ тиісті көңіл-күй болған жағдайда жеңуге болатынын атап өтті.

«Менің ішкі сенімім бойынша, ‘Қайрат’ пен ‘Ордабасы’ өз қарсыластарын жеңуі тиіс. Ал ‘Ақтөбеге’ ‘Легияны’ ығыстыру үшін аса көп күш жұмсауға тура келеді», — деп қорытындылады Қожабергенов.