Қазақстандық Төлтаев әлем чемпионы атағы үшін қарсыласын нокаутқа түсірді

Алматыда өткен кәсіби бокс кешінің басты жекпе-жегінде Саматали Төлтаев (6-0, 2 КО) өзбекстандық Абдулазизбек Нажмиддиновпен (11-2, 9 КО) кездесті.

UBO жеңіл салмақтағы әлем чемпионы атағы үшін он екі раундқа жоспарланған жекпе-жек — мерзімінен бұрын аяқталды: қазақстандық боксшы қарсыласын бірінші раундта нокаутқа түсірді.

Төлтаев үшін бұл кәсіби мансабындағы алтыншы жеңіс болса, қарсыласы екінші жеңілісін тіркеді. Айта кетейік, қазақстандық боксшы әуесқой бокста 2023 жылы допинг-тестен өте алмады — оның сынамасынан оралтуринабол анаболикалық стероиді табылып, 2026 жылдың наурызына дейін жарыстардан шеттетіліп, ұлттық құрама сапынан шығарылған болатын.