Қазақстандық теннисші WTA турындағы эйстер саны бойынша уақытша көшбасшы атанды

Қазақстандық теннисші Елена Рыбакина осы маусымда WTA турындағы эйстер саны бойынша уақытша көшбасшы атанды, деп хабарлайды Prosports.kz.

WTA-500 санатындағы Қытайдың Нинбо қаласында өтіп жатқан турнирдің жартылай финалына шыққаннан кейін Еленаның еншісінде 419 эйс бар.

Екінші орында Чехия өкілі Линда Носкова (352), үшінші орында — даниялық Клара Таусон (347), ал төртінші орында ресейлік Екатерина Александрова (296) тұр.

Нинбодағы жартылай финалда Рыбакина италиялық Жасмин Паолинимен кездесіп, жеңіске жетті.

Турнир 13-19 қазан аралығында өтіп жатыр.