Қазақстандық теннисші Елена Рыбакина WTA рейтингіндегі орнын сақтап қалды

Әйелдер теннисі қауымдастығы (WTA) қыздардың рейтингін жариялады, деп хабарлайды Prosports.kz.

Үздік үштік өзгеріссіз қалды: беларусь Арина Соболенко көш бастап тұр, екінші орында польшалық Ига Швёнтек, үшінші орында америкалық теннисші Кори Гауфф.

Қазақстан өкілі Елена Рыбакина оныншы орында қалды. Юлия Путинцева бір позиция төмендеп, 55-орынға тұрақтады.

Жұптық сындағы теннисшілер арасында Анна Данилина әлі де оныншы орында. Путинцева 105-ші, Жібек Құламбаева 130-шы орында.