Қазақстандық дзюдошы тарихта алғаш рет әлем чемпионатының финалына шықты

Әбиба Әбужақынова Будапештте өткен дзюдодан әлем чемпионатында күміс медальға қол жеткізді — деп хабарлайды Shaiba.kz.

48 келі салмақ дәрежесіндегі финалдық кездесуде қазақстандық спортшы италиялық Ассунта Скуттодан жеңілді — қарсыласы иппонмен жеңіске жетті.

Тарихи финалдан кейін олимпиада чемпионы Елдос Сметов дзюдошыны күміс медальмен құттықтады — спортшының жүзінде алтын медальді қолдан шығарып алғанына қатысты көрінеу өкініш байқалды.

Әбужақынованың финалға шығуы елеулі оқиғаға айналды — қазақстандық әйелдер дзюдосының тарихында алғаш рет ел өкілі әлемдік біріншіліктің шешуші кездесуіне жетті.