Қазақстандық дзюдошы Әбужақынова Будапештегі әлем чемпионатында жеңіске жетті

Қазақстан дзюдо құрамасының өкілі Әбиба Әбужақынова Будапештегі әлем чемпионатындағы өнерін сәтті бастады, деп хабарлайды Olympic.kz.

48 келіге дейінгі салмақ дәрежесінде қазақстандық спортшы екінші кезеңнен бастап өнер көрсетті — оның қарсыласы ресейлік дзюдошы Марина Воробьева болды.

Белдесудің негізгі уақыты жеңімпазды анықтаусыз аяқталды — кездесудің тағдыры қосымша кезеңде шешілді, мұнда Әбужақынова нәтижелі әдіс жасап, турнирдің 1/8 финалына өтті.