Қазақстандық боксшылар Астанадағы Әлем кубогында 14 жартылай финалдық кездесу өткізеді

Астанадағы World Boxing Әлем кубогында бүгін қазақстандық боксшылардың қатысуымен жартылай финалдық жекпе-жектер өтеді — трансляцияны Qazsport телеарнасынан көруге болады.

Сағат 14:00-де басталатын күндізгі сессияда қазақстандық спортшылардың қатысуымен алты жекпе-жек өтеді. Олардың қатарында — Назым Қызайбай, Виктория Графеева, Наталья Богданова, Санжар Ташкенбай, Нұрбек Оралбай және Бекзат Нұрдәулетовтің жекпе-жектері бар.

• Назым Қызайбай (48 кг) — Хикару Синохара (Жапония)
• Виктория Графеева (60 кг) — Санджу (Үндістан)
• Наталья Богданова (70 кг) — Патрисия Мбата (Нигерия)
• Санжар Ташкенбай (50 кг) — Субхан Мамедов (Әзірбайжан)
• Нұрбек Оралбай (80 кг) — Мерт Айбуга (Түркия)
• Бекзат Нұрдәулетов (85 кг) — Самет Эрсой (Түркия)

Кешкі сессия сағат 19:00-де басталады — рингке Қазақстанның сегіз өкілі шығады. Финалға жолдама үшін Алуа Балкибекова, Айдана Забынбекова, Аида Абикеева, Надежда Рябец, Махмұд Сабырхан, Ертуған Зейнуллинов, Сабыржан Аққалықов және Айбек Оралбай күреседі.

• Алуа Балкибекова (51 кг) — Каролин Барбоса де Алмейда (Бразилия)
• Айдана Забынбекова (57 кг) — Жасмин (Үндістан)
• Аида Абикеева (65 кг) — Бусеназ Сюрменели (Түркия)
• Надежда Рябец (75 кг) — Бусра Исильдар (Түркия)
• Махмұд Сабырхан (55 кг) — Ясен Радев (Болгария)
• Ертуған Зейнуллинов (65 кг) — Абхинаш Джамвал (Үндістан)
• Сабыржан Аққалықов (75 кг) — Нихил Дюбей (Үндістан)
• Айбек Оралбай (90+ кг) — Махаммад Абдуллаев (Әзірбайжан)