Қазақстандық боксшы қарсыласын нокдаунға түсіріп, келесі кезеңге өтті

Қазақстандық боксшы Абылайхан Жүсіпов БАӘ-нің Дубай қаласында өтіп жатқан 2025 жылғы Халықаралық бокс қауымдастығының (IBA) әлем чемпионатын сәтті бастады, деп хабарлайды Prosports.kz.

71 келі салмақ дәрежесіндегі 1/32 финалда Жүсіпов армениялық Арарат Арутюнянмен кездесіп, үш раундтан кейін 5:0 есебімен жеңіске жетті. Екінші раундта қазақстандық боксшы таза нокдаун жасады, ал төреші үшінші раундта армениялық боксшының тағы бір нокдаунын есептеді.

Осылайша, Абылайхан Жүсіпов жарыстың келесі раундына өтті, ал Арарат Арутюнян әлем чемпионатымен қоштасты.

Қазақстан құрамасы 2025 жылғы әлем чемпионатына барлық 13 салмақ санатында қатысып жатыр. IBA әлем чемпионаты 13 желтоқсанға дейін жалғасады және жалпы жүлде қоры 8,32 миллион долларды құрайды.