Қазақстандық балуан әлем чемпионатында жеңіліп қалды

Еркін күрестен Қазақстан құрамасының спортшысы Камиль Куруглиев Загребте (Хорватия) өтіп жатқан әлем чемпионатында медальға бір қадам жетпей қалды, деп хабарлайды Prosports.kz сайты ҰОК-қа сілтеме жасап.

Отандасымыз 92 келіге дейінгі салмақта қола жүлде үшін белдесті.

Камиль бұл кезеңде ирандық Амирхоссейн Фирузпурбандпеймен күресіп, қарсыласына есе жіберді. Кездесу 0:4 есебімен аяқталды.

Бұл салмақта америкалық Трент Хидлэй жеңіске жетті. Күміс медальді ресейлік Аманула Гаджимагомедов алды. Ал қола жүлденің екінші иегері әзірбайжандық Осман Нурмагомедов болды.