Қазақстан жасөспірімдер құрамасы екі жолдастық матч өткізеді

7–13 желтоқсан аралығында Словенияның Блед қаласында хоккейден жастар арасында әлем чемпионатының ІА дивизионы өтеді, деп хабарлайды Prosports.kz.

Қазақстан жасөспірімдер құрамасы топ-дивизионға жолдама үшін Франция, Австрия, Норвегия, Словения және Украина командаларымен бақ сынайды.

22 қарашада «Барыс Аренада» оқу-жаттығу жиындарының алғашқы кезеңі басталып, команда кеңейтілген құрамда жаттығулар өткізді. 29 қараша күні құрама Словенияға аттанып, дайындықтың екінші бөлігін жалғастырады. Осы кезеңде екі жолдастық кездесу жоспарланған:

2 желтоқсан – Норвегияға қарсы;
4 желтоқсан – Словенияға қарсы.
Қазақстан құрамасы әлем чемпионатындағы алғашқы матчын 7 желтоқсанда Украина командасына қарсы өткізеді.