Қазақстан құрамасының қақпашысы топ-клубта дебютін өткізуге жақын

Қазақстан құрамасының қақпашысы, Жоғары хоккей лигасында (ЖХЛ) «Магнитка» сапында өнер көрсететін Джелал-ад-Дин Амирбеков ҚХЛ-да дебют өткізуі мүмкін, деп хабарлайды Prosports.kz тілшісі Shaiba.kz сайтына сілтеме жасап.

Қақпашы «Металлургпен» бірге Владивосток–Хабаровск–Астана бағытындағы сырт айдындағы серияға аттанып, «Адмиралға» қарсы ойынға команда құрамына енді.

Осы маусымда Джелал-ад-Дин Амирбеков ЖХЛ чемпионатының 12 матчында өнер көрсетіп, соғылған шайбалардың 93,5 пайызын қайтарып, сенімділік коэффициенті 2,01 нәтижесін көрсетті.