Қазақстан құрамасының ойыншысы қатардан шықты

Қазақстан құрамасы мен «Тобыл» футбол клубының қорғаушысы Роман Асранкулов ертеңгі ойынға қатыспайды, деп хабарлайды Sport12.kz.

Бұл туралы бас бапкер Әли Әлиев баспасөз маслихатында мәлімдеді.

— Романның отбасында қайғылы жағдай болды. Ол маған таңертең баяндап, сұранып кетті. Бұл өмір, өкінішке орай, мұндай оқиғалар болып тұрады. Біз ойыншымызға қолдау көрсетуіміз керек, – деді Әли Әлиев.

Айта кетейік, Қазақстан 5 маусым күні Борисовте Беларусь құрамасымен жолдастық кездесу өткізеді. Араға төрт күн салып, ел құрамасы 2026 жылғы әлем чемпионатына іріктеу кезеңінде өз алаңында Солтүстік Македонияны қабылдайды.