Қазақстан құрамасы ФИФА рейтингінде бір сатыға төмендеді

Халықаралық футбол федерациясы (ФИФА) ұлттық құрамалар рейтингін жаңартты. Жаңартылған рейтингке сәйкес, Қазақстан құрамасы бір орын төмендеп, 114-орынға жайғасты. Құрама еншісінде – 1165.49 ұпай.

Қазақстанның көршілес елдерінің позициясы төмендегідей:

•Өзбекстан – 55-орын,

•Қырғызстан – 104-орын,

•Тәжікстан – 106-орын.

Еске салайық, Қазақстан құрамасы соңғы ойынын 2026 жылғы Әлем чемпионатына іріктеу кезеңі аясында Солтүстік Македонияға қарсы өткізді. Матч 0:1 есебімен аяқталып, қазақстандықтар жеңіліп қалды. Солтүстік Македония бұл матчтан кейін 62 орынға жайғасты.