Қазақстан бокс құрамасы әлем чемпионатындағы жеңісінен кейін оралады

Қазақстан бокс федерациясы Ливерпульде өткен 2025 жылғы әлем чемпионатының жеңімпаздары — ұлттық құраманың келу уақытын жариялады.

Командалық бірінші орынды жеңіп алған қазақстандық боксшылар елдің әр қаласына оралады — әйелдер құрамасы 16 қыркүйекте сағат 03:35-те TK 350 рейсімен Алматыға, ерлер құрамасы 07:35-те TK 356 рейсімен Астанаға, ал Сабырхан ағайындылары TK 256 рейсімен Түркістанға ұшады.

Ұлттық құрама World Boxing аясындағы турнирде тамаша нәтиже көрсетті — команда қоржынында жеті алтын, бір күміс және екі қола жүлде бар.