Қаза тапқан португал футболшыларының жерлеу рәсімінің егжей-тегжейі белгілі болды

Record мәліметінше, Диогу Жота мен Андре Тейшейра да Силваның жерлеу рәсімі екі футболшы өскен туған қаласы Гондомарда өтеді.

Қоштасу рәсімі Гондомар зиратының жаназа залында 4 шілдеде сағат 16:00-де басталып, жерлеу келесі күні жергілікті уақыт бойынша сағат 10:00-де өтеді.

Апат құрбандарының денелері отбасы мүшелерінің алып жүруімен арнайы жерлеу көліктерімен Португалияға жеткізілді. Марқұмдарды сәйкестендіру футболшылардың көлігінен табылған құжаттар бойынша жүргізілді.

Диогу Жотаның жұбайы Руте Саморадағы Сот медицина институтына барып, психологиялық көмек алды. Қайғылы оқиға олардың үйленгеніне он күн өткенде орын алды – жұп мектеп жылдарынан бері бірге болған.