Қайсар мен Ұлытау КПЛ-дің кейінге қалдырылған матчында тең түсті

Қызылордада Қазақстан Премьер-Лигасының 25-ші турының кейінге қалдырылған матчы өтті — жергілікті Қайсар Жезқазғаннан келген Ұлытауды қабылдады.

Командалардың бастапқы құрамы:

• Қайсар: Салайдин, Нарзилдаев, Мурзагалиев, Кенесбек, Абикен, Торекул, Калмуратов, Губарев, Махан, Султанов, Агзамбаев
• Ұлытау: Непогодов, Сламбеков, Терехов, Вачиберадзе, Кейлер, Тауйбай, Нурсултанов, Данияров, Молдакарев, Мансилия, Абылайхан

Алаң иелері алғашқы минуттардан бастап басымдылық танытты — алайда қонақтар 17-ші минутта Жасұлан Молдақараевтың дәл соққысының арқасында есеп ашты. 36-шы минутта Хосе Карильо Мансилия қызыл қағаз алып, қонақтар құрамын азайтты.

Нұрдәулет Ағзамбаев 87-ші минутта есепті теңестірді — матч 1:1 есебімен аяқталды. Осы кездесуден кейін қызылордалықтардың еншісінде 13 ұпай болса, жезқазғандықтарда одан бір ұпай кем.