«Қайрат» жеңісті жұлып алды

Чемпиондар лигасының үшінші іріктеу кезеңі аясында алматылық «Қайрат» өз алаңында Словакияның «Слован Братислава» клубын қабылдады.

Кездесудің бірінші таймы тартысты өтті – қос команда алма-кезек шабуыл ұйымдастырғанымен, гол соғылған жоқ. Екінші таймның 65-минутында қонақтар сапындағы Рахим Ибрахим екінші сары қағазын алып, алаңнан қуылды. Бұл эпизодтан кейін «Қайрат» шабуылдарын үдетті.

Ойынның негізгі уақыты аяқталар сәтте, 90-минутта «Қайрат» он бір метрлік айып добын орындауға мүмкіндік алды. Пенальтиді орындауға келген 16 жастағы Дастан Сатпаев шеберлікпен гол соғып, командасына жеңіс сыйлады. Бұл — Сатпаевтың Чемпиондар лигасындағы үшінші голы.

97-минутта Рикардиньо соққан гол ойыннан тыс қалуына байланысты есепке алынбады.

Қарымта матч 12 тамыз күні Словакияда өтеді.

Айта кетейік, егер «Қайрат» келесі кезеңге өтсе, плей-оффта Шотландияның атақты «Селтик» клубымен кездеседі.